திக்கற்றவர்க்கு தெய்வமே துணை என்பது பழமொழி, தெய்வம் துணை செய்யும் போது மனிதர் மூலமே செயல்படுகிறது. அதுவும் தன் கருவியாக கருணை உள்ளத்தையே கொண்டு செயல்படுகிறது.

    சிறுபிள்ளைகள் உணவுக்கும் கல்விக்கும் ஏங்கி நிற்கும்போது, அவர்களுக்கு உதவிக்கரம் நீட்டி அவர்களைத் தன்னம்பிக்கையோடு வாழ வகைசெய்ய 1905ஆம் ஆண்டு பகவான் ஸ்ரீராமகிருஷ்ணரின் நேரடிச் சீடரும், மகானும், தீர்க்கதரிசியுமான சுவாமி ராமகிருஷ்ணானந்தரால் 'ராமகிருஷ்ண மிஷன் மாணவர் இல்லம்' ஆரம்பிக்கப்பட்டது.

        இதன் ஒரு பகுதியாக நமது தேசத்தின் பாரம்பரிய கல்வி முறையான குருகுல முறையை மையமாகக்கொண்டு , இல்லத்தின் கொள்கைகளாகிய தியாகம், தொண்டு ஆகிய நற்பண்புகளை மாணவர்களுக்கு புகுத்தவும், மேலும் கல்வியுடன் சேர்ந்த தேசப்பற்று, சமூகநலன், இந்திய பண்பாடு, கலாச்சாரம் போன்றவற்றை வழங்கும் வகையில் ஒரு முழுமையான கட்டமைப்புடன் 1922ஆம் ஆண்டு துவங்கி எமது ராமகிருஷ்ண மிஷன் உறைவிட உயர்நிலைப்பள்ளியானது நூறாண்டுகளை தொட்டு தற்போது 250 மாணவரகளை உள்ளடக்கி தனது கல்வி பணியை செவ்வனே செய்துவருகிறது.

    எமது பள்ளியின் நூற்றாண்டு விழாவை முன்னிட்டு தமிழகம் முழுவதும்  இணையத்தின் வழியாக பேச்சுப்போட்டி மற்றும் ஒப்புவித்தல் போட்டிகள் நடத்த திட்டமிடப்பட்டுள்ளது. எனவே இந்த அழைப்பை ஏற்று தங்கள் பள்ளி மாணவர்களை போட்டியில் கலந்து கொள்ள ஊக்குவிக்குமாறு கேட்டுகொள்கிறோம். 

போட்டிகள்விவரம்